影片
更多
2024-05-15
164 浏览
去开观塘揾有咩食，喺社交平台见到有foodie介绍呢间米线就去食，先讲总结：味道冇特别，俾人赶走先系令我要留低呢篇食评嘅原因。睇返电话相簿18:02仲喺apm log on睇紧嘢，睇完就慢慢行去呢间食嘢，坐低时舖头仲未坐满，未有人排队。简单讲吓我哋叫咗咩，麻药蛋、招牌花胶鸡米线、胡椒猪肚鸡米线，1杯热柠水同1杯柚子蜜。18:30碟麻药蛋到，嚟到望到个色已经觉得同我认知嘅麻药蛋有啲出入，食落觉得系…一般溏心蛋，唔咸，冇乜味。持平讲句系有d溏心。然后我睇返story系18:35影到2碗米线到，手花胶鸡米线加咗钱转鸡髀，系几滑嘅，但普遍嚟讲，所有嘢都系冇特别，鸡汤冇特别好味，鸡就可以喇，花胶都叫ok la～米线质地偏硬，个人觉得可以淋少少。胡椒猪肚鸡米线，个汤嘅胡椒味超浓，浓到我有少少顶唔顺，不过我觉得呢个系口味问题，有啲人好钟意嘅话系ok嘅。食完其实我哋都有共识，冇特别，唔难食，但应该唔会encore。好喇，食完谂住饮埋杯嘢，但未饮完个女职员已经同我哋讲：「你哋张枱俾咗人㗎喇」叫我哋快啲走😊真心大开眼界，若佢系好声好气话：「出面有好多人等紧，介唔介意埋埋张单？」我哋都好乐意～但唔系，佢系话
睇返电话相簿18:02仲喺apm log on睇紧嘢，睇完就慢慢行去呢间食嘢，坐低时舖头仲未坐满，未有人排队。
简单讲吓我哋叫咗咩，麻药蛋、招牌花胶鸡米线、胡椒猪肚鸡米线，1杯热柠水同1杯柚子蜜。
18:30碟麻药蛋到，嚟到望到个色已经觉得同我认知嘅麻药蛋有啲出入，食落觉得系…一般溏心蛋，唔咸，冇乜味。持平讲句系有d溏心。
然后我睇返story系18:35影到2碗米线到，手花胶鸡米线加咗钱转鸡髀，系几滑嘅，但普遍嚟讲，所有嘢都系冇特别，鸡汤冇特别好味，鸡就可以喇，花胶都叫ok la～米线质地偏硬，个人觉得可以淋少少。
胡椒猪肚鸡米线，个汤嘅胡椒味超浓，浓到我有少少顶唔顺，不过我觉得呢个系口味问题，有啲人好钟意嘅话系ok嘅。
食完其实我哋都有共识，冇特别，唔难食，但应该唔会encore。
好喇，食完谂住饮埋杯嘢，但未饮完个女职员已经同我哋讲：「你哋张枱俾咗人㗎喇」叫我哋快啲走😊真心大开眼界，若佢系好声好气话：「出面有好多人等紧，介唔介意埋埋张单？」我哋都好乐意～但唔系，佢系话「你张枱已经俾咗人」咁我唯有一下饮埋杯嘢再埋单走人。睇返电话，被赶走后出去影咗张相，都系19:04 🙂
有人排队等，你想快啲做多几转生意，我都唔介意，重点系，我谂我由入座要走前后连1个钟都冇，唔系霸住你张枱，仲要赶我走，等紧嘅就系客，食完就唔系客？
0 浏览
0 赞好
0 留言
张贴
