川府宴 (已結業)

同囡囡行完街，佢话想食酸菜鱼，于是用开饭app揾，拣左呢间，因为就脚，同埋见食评唔错。打开餐牌，阿女话酸菜鱼528蚊，之前响旺角尖沙咀食过几间，最贵都系三百几。我觉得价钱唔紧要，至紧要啲质素对得住个价就得。酸菜鱼上到黎，味道比预期好，鱼肉新鲜滑溜入味，伴菜有豆牙，梦卜，粉皮之类，都几好味，呢part值得赞。要弹嘅，系食物份量 － 落单时职员特登提我「系一条桂花鱼嘅份量」，但系我同阿女夹左几次就几乎夹唔到成块嘅鱼肉，捞出来都系拌菜。平时我唔食鱼头同尾嘅，但真系想食多几块，今次唯有「轮」埋⋯⋯总结：味道几好，但份量同价钱唔成正比。计埋加一，6旧水得10零块鱼肉，真系偏贵啰。如果用而家兴嘅性价比标准，佢会好低分。我明白香港租金贵人工高皮费重，但仍然希望食肆可以有良心啲，咁先会有回头客。