十三少 (已結業)

今次嚟咗一间位于西环嘅特色川菜餐厅，可以见到舖头嘅装潢非常之富有嘅传统中国特色，吸引到唔少人光顾。我就试咗呢个几抵食嘅二人套餐，售价$338 ，有凉菜、小菜、主菜。我拣咗椒麻皮蛋、酸菜鱼、麻婆豆腐。椒麻皮蛋卖相晶莹剔透，同一般见到嘅皮蛋颜色上有少少唔同，呢度嘅皮蛋外观上更加吸引，似一件精致嘅艺术品。酸菜鱼大大煲，入面有好多口感非常嫩滑嘅鱼肉，同埋切成薄片、刀功呈现得非常好嘅酸菜。唔单止味道好，份量亦都好够食，攞嚟捞饭真系一流。麻婆豆腐嘅酱汁好浓稠，豆腐质地香滑，同样系非常之适合攞嚟捞饭嘅菜式。