早安越南 (已結業)

系黄埔见呢间餐厅装饰几别致，门口都闻到好香越南汤味，见咁多人排队，应该都唔会太差。可能系星期六晚去食，两个人都要等20分钟左右，都ok啦，起码有二人枱坐得几舒服见menu有几多款式，前菜同小食睇图都觉得几吸引，就试左个札肉蒸饺嘅野，其他地方好似唔觉有，食落又几特别，札肉好香好有肉味，加上个饺皮又好滑，沾佢配嘅越式酱汁，估唔到咁好味。另外亦叫咗碗生牛肉汤蒙，睇落好似好细碗，但食完都好饱。汤底味道适中，都几香，又唔算太咸，而蒙粉就无乜特别，系普通透明𠮶种蒙。食完就只系会觉得无乜特别，纯粹系普普通通嘅一碗越式汤粉。价钱方面都算系合理，如果唔洗等位都几值得再食。