銀城金閣海鮮廚房

营业中

休息中

朋友话新开左间餐厅，食完觉得唔错，推介比我地去试，而且话焗鱼肠必食，我提前卜左父亲节正日，同屋企人一齐黎食。《鸡蛋焗鱼肠》$158呢个系一个怀旧菜式，鱼肠加上芫荽、姜等配料，同鸡蛋捞匀放入钵仔，再以蒸焗方法煮。焗完面头系脆身嘅，鱼肠好新鲜，唔落胡椒粉食都唔会过腥，水准唔错。《上汤龙虾配剪米粉底》$498澳洲青龙果然好食，龙虾肉鲜甜，好重龙虾味，再加埋煎米粉底（另加$50），索晒龙虾汁嘅鲜甜，好好食，推介大家转剪米粉底。不过由于父亲节正日，价钱偏贵，朋友话之前餐厅做优惠，只系$298。《黑醋一字骨》$155一字骨都几大条，而且蚊到肉质好腍，配上黑醋汁，酸酸甜甜，好岩送饭。《金银蛋浸白菜仔》$148白菜仔好新鲜，加上清鸡汤，味道一定好味，可以当系一个菜汤，饮落去都清甜，唔会过咸。《榄菜肉松炒菜心》$158菜心鲜嫩，炒得岩岩好，唔会过老，加埋榄菜同肉碎令味道更丰富，而且都系一碟好岩捞饭食嘅菜式。《生炒糯米饭》$158糯米饭味道不错，好香嘅腊味味，但略嫌炒得唔够干身，偏湿。《姜汁撞奶》（免费）姜汁味岩岩好，唔会过浓唔会过淡，而且好滑身，甜而不腻，系个唔错嘅甜品。