鮨和居食屋 (已結業)

居酒屋系放工约朋友食野嘅一个好选择😋因为由烧物到刺身都可以食到，唔洗担心冇野好拣。今次同朋友就试左呢间位于铜锣湾嘅鮨和，价位黎讲算系中高档，但味道都几有水准。✨和风沙律卷（$55）首先食嘅系味道较为清新嘅和风沙律卷，紫菜入面包左大量嘅生菜、青瓜丝、鸡蛋丝同三文鱼，旁边淋上微酸嘅紫苏汁，食落爽口清新。✨法国生蚝（$108/半打）见生蚝几抵食就叫左半打试下，虽然价钱唔贵，但生蚝比想像中新鲜❤️蚝嘅size唔算打，食落鲜甜重海水味，值得推介！✨烧蛏子（$128）烧蛏子上加左大量嘅蒜蓉同牛油，非常岩我口味😋食落香味十足，但又唔会盖过左蛏子本身嘅鲜甜味，我个人非常钟意❤️✨串烧牛吞（$38）/ 鸡中翼（$35）/ 豚五花腩（$35）/ 猪颈肉（$40）食居酒屋当然要叫串烧，我同朋友就分别拣左几款较常见嘅串烧。串烧都系新鲜烧起，以日式风味盐烧而成，价钱合理而且味道都唔错。✨牛肉寿喜烧锅（$240）最后叫左呢款牛肉寿喜烧填下肚🤣成个寿喜烧非常足料，入面加左各种菇菌、粉丝同牛肉，汤底饮落偏甜。牛肉方面用左普通嘅肥牛，食落口感算系不过不失，但整体黎讲都ok.Overall黎讲餐厅嘅食物水准都唔错，价钱中上。