牛扒先生 (已結業)

琴晚去完个旧同事屋企睇完佢个BB 后，一行四人回到新城市广场食饭，叫左三个套餐、一个饭加一杯Cocktail！呢度既环境同食物系唔错既，我最钟就系佢张梳化，好舒服，价钱系略贵，但系服务奇差！落单个个女仔，我地觉得佢系度梦游，因为第一个黎既食物就系个饭，但系我地都唔系叫个只饭，跟住送餐既有D 疑惑，然后落单个女仔同送餐既讲返话佢落错单，都唔知有冇搞错！然后个杯Cocktail 就失去埋踪影，叫个男侍应黎问，佢又以为我地叫左餐饮未黎，要讲一大轮先知系有个Cocktail 未黎，但系最后又系冇左回事，又系要催多次，跟住应该系由个调酒既出黎问返我地个杯系乜野黎，又一次有冇搞错呀？张单究竟去左边呀？系咪唔驶俾钱呀？食完之后，饮咖啡途中，人有三急，想去方便一下，一问之下，原来个度冇男洗手间，要落去六楼，劲唔方便，我真系唔知呢个系个商场既问题定系间铺既问题，呢一样实在好唔掂。如果呢个系商场既问题，男女洗手间系鸳鸯层既话，新城市广场真系廿年都冇进步过，又可能系我自己已经俾奥海城纵坏左，因为奥海城所有既食肆系冇自己洗手间，全部都系共用商场既洗手间，但系人地胜在够多，行两步有一个，又够干净！如果服务个一栏