影片
更多
2021-12-02
77 浏览
系繁忙既豉油街，最近开咗间茶餐厅，即刻同屋企人嚟试下。鼎记装潢金碧辉煌，睇落去都好光鲜。闲日七点入座，都差唔多满座，睇嚟都几受欢迎，店面唔算好大，但卡位都够宽敞，坐得舒服。我地两个人嗌咗个二人套餐（$168）第一味𩠌叫咗冰镇拔丝咕噜肉，第一次见咁大个盘装既咕噜肉，好豪华。咕噜肉都有十几嚿，份量好充足，冰镇上碟可以试到两种好唔同既感觉—面既肉热辣辣，甜味更出；底既肉凉浸浸，既保持到皮既脆身，同时又令人觉得好清新，如果天时热再嚟食，会更加爽口。另外一味就叫咗金坛酸菜鱼。我地唔太食得辣，只叫咗小辣，汤既酸味较出，亦有好多配菜（酸菜等等），份量足够。鲈鱼片肉质滑溜，入口即溶，好好食。更加惊喜既系，当我地已经饱饱地时，先发现酸菜鱼底有绿豆宽面条，真系好多嘢食！跟餐有例汤及靓仔两碗。我地加咗一杯柠蜜，一杯冻奶茶（热饮$10；冻饮$13）。柠蜜正正常常，奶茶有惊喜！奶同茶比例好唔错，唔会太甜之余亦有浓浓茶香。出开旺角都可以试试！
鼎记装潢金碧辉煌，睇落去都好光鲜。
闲日七点入座，都差唔多满座，睇嚟都几受欢迎，
店面唔算好大，但卡位都够宽敞，坐得舒服。
我地两个人嗌咗个二人套餐（$168）
第一味𩠌叫咗冰镇拔丝咕噜肉，第一次见咁大个盘装既咕噜肉，好豪华。
咕噜肉都有十几嚿，份量好充足，
冰镇上碟可以试到两种好唔同既感觉—面既肉热辣辣，甜味更出；底既肉凉浸浸，既保持到皮既脆身，同时又令人觉得好清新，如果天时热再嚟食，会更加爽口。
另外一味就叫咗金坛酸菜鱼。
我地唔太食得辣，只叫咗小辣，汤既酸味较出，亦有好多配菜（酸菜等等），份量足够。
鲈鱼片肉质滑溜，入口即溶，好好食。
更加惊喜既系，当我地已经饱饱地时，先发现酸菜鱼底有绿豆宽面条，真系好多嘢食！
跟餐有例汤及靓仔两碗。
我地加咗一杯柠蜜，一杯冻奶茶（热饮$10；冻饮$13）。
柠蜜正正常常，奶茶有惊喜！奶同茶比例好唔错，唔会太甜之余亦有浓浓茶香。
出开旺角都可以试试！
张贴
