鍋呵呵 (已結業)

系深水埗买电脑，揾个地方坐下快递个电脑食下野，托住电脑周围走真系令个个身㷫烚烚，但系又好想食火锅。。入到去就叫咗支天然纯椰青水， 原来系杯装既，不过都几好饮，甜甜地好清凉。椰子鸡煲有好多鸡块，仲有啲椰子香味，清甜又清热，另外都叫咗好吸味既豆卜， 质素都唔错，好松化。薯粉煮完之后依然有弹性，份量好多， 吸咗个椰子鸡味，几好。金菇又系一款吸味既食物，质素都唔错，大大条好爽口。安格斯美国肥牛质素都非常唔错，牛肉既花纹已经睇得出佢系好高质定低质！就算牛味未系非常香浓，但系口感一流，近乎入口即溶。羊肉有好香既羊so味，虽然脂肪与瘦肉的分布不算很平均，但系味道已经好香，而且咬落去，完全好滑，正。