西鐵燒烤樂園 (已結業)

无啦啦多左一日假期,囝囝突然想BBQ,拖住两个小朋友,食物水准已经唔系考虑因素,交通方便先系大前提.由上水打的有八折,计落都唔驶九十,point to point好方便.一行五大两细,由二点几食到七点,可以话无停过口.其实食物种类唔算特出或者特别多.蒜味鸡翼同醉香鸡翼: 个人比较喜欢蒜味多d,始终"冶"味得多,反而醉香鸡翼酒味唔太突出,腌得亦唔入味.咖喱鱿鱼: 全部都系翼位,几味野都几难出错,时间够就好爽口,不自觉地食左几多下.金沙骨: 唔得,酱料腌得无味无道,烧完同普通一件猪骨无分别.牛扒: 切得比较细件,反而可以控制食量.但同一毛病,唔系好入味.猪扒: 又系腌得唔够味,都唔知做乜,好多野都唔系好够味.什丸同肠: 丸都有牛丸,墨丸,龙虾丸,狮子狗丸,鱼蛋,而肠亦有红肠,芝士肠同香肠,基本上都好足够.其实一切都好似平平无奇,我都唔会比个喊食评,但服务一项真系好过份,话说今日撞正落雨,谂住用枝太阳伞档雨,点知个肥老板一野将个已经点左火既炉,推左去我坐系bb车个囝囝旁边,完全唔理小朋友既安全,佢目的系想攞走把遮,我地梗系唔比啦,结果比我地讲左两句之后,仲要面黑黑走开.有无搅错呀!