鮨一 (厚福街)

营业中

休息中

上次在这座蓝马商业大厦经过见到”鮨一”有三层, 都想试下点解咁强势, 所以特意订了今日来食,被安排坐在吧枱，可以见住师傅手势。先叫了日本苹果沙律$98, 第一次食, 估唔到日本苹果份外清甜, 原来苹果配蟹籽, 会更开胃, 作为前菜非常好, 再点了辣味噌煮和牛腹$98，和牛腹肉质好淋，仲有筋同脂肪香，味噌口味浓，微辣。再点了鮨一手卷和香葱吞拿鱼腩手卷，有别于一般手卷用三角筒形状，这里是长方形的，鮨一系呢度招牌菜，上枱时哗左一声，海胆好震撼，而且味道甘甜，好想追住食，相信系日本直送，面还铺了金箔，中间仲有吞拿鱼腩，面有三文鱼籽，下面仲用了赤醋寿司饭，连埋紫菜，一次过食到5种味道，层次感非常丰富，另一件香葱吞拿鱼腩，鱼腩油香味浓，捞埋香葱更清香。叫了一份炸物，系炸明太子鸡翼，炸得好干身外皮好脆，唔油腻，里面的明太子微辣，肉质结实。重头戏来喇，卖相像盘景一样，睇得又食得，叫了粒贝刺身$398 和石恒贝$116，粒贝外形似一只大响螺，肉质爽脆，味道极鲜甜，好像象拔蚌咁，大厨切到好薄，真是考刀功，而石恒贝肉质较厚，海鲜味更鲜甜，面还扫上特制酱油。