竜王居酒屋 (已結業)

和富中心系我儿时回忆，以前细个成日过嚟呢度玩，咁啱今日去咗亲戚屋企顺便喺附近食饭，原来和富中心都改变咗好多，依家都已经全新装修，都几靓干净。最尾拣咗呢一间喺楼梯位一落去嘅日本餐厅，个名都好特别㗎，叫竜王，读音:龙王,个筷子嘅造型仲好可爱系个龙头嚟㗎因为唔系好肚饿所以叫咗三款嘢食，食物质素都唔错软壳蟹沙律 $88 软壳蟹炒得都几香脆，最紧要唔会油腻，另外沙律嘅酱汁都好开胃，酸酸地咸咸地，沙律菜又新鲜。竜王卷 $108造型就真系非常之啱晒打卡，系成条龙嘅器皿，卷物上面有好多吞拿鱼蓉，里面有炸虾，口感非常之丰富。佐水豚骨汤乌冬 128汤底好香，好重豚骨汤味，乌冬都好弹牙，份量都几多，豚肉片大概都有八片。