梅吉涮涮鍋 (已結業)

近排喺西湾河SOHO East开咗间放题涮涮锅，梗系去试吓啦，餐厅装修舒服雅致，而且冷气好足，夏日凉浸浸咁打边炉佢有唔同嘅和牛套餐选择，今次我哋拣咗Set B，包左日本黑毛和牛+日本豚肉任食 ($398/person)。汤底共有5款，我哋拣咗梅吉锅同日式海草美颜锅，前者少辣同带有香茅味几惹味，后者就比较清。首先讲吓佢哋嘅和牛先，上碟都几靓铺到好似座山咁，咬落有牛味味道都唔错，而豚肉就几有口感。外面有个任拎食物区，值得一赞嘅系佢哋有几多海鲜拎例如青口、蚬、扇贝、海虾等等，普遍都新鲜同大只，啱哂我呢个海鲜怪除咗各款海鲜，佢仲有唔同种类嘅丸，墨鱼滑，肠仔，蔬菜，款式算OK多，饮品方面佢有几多自家制款式，其中最钟意佢支鲜庶茅根马蹄爆珠，饮落味道好清爽而且唔会太甜，仲有粒粒爆珠咬落劲有口感