MAMTOM

今日系尖东呢头食越泰菜，位置都系酒吧地带，夜晚黎食应该几好feel。和牛越南河粉慢煮左24小时既牛肉高汤，汤底超浓郁，每啖都有牛既精华咁! 牛肉部位用左西冷牛排，呈微粉色，好嫩滑! 另外仲加左牛骨髓，原来系成条上，食落滑腻醇香，口感好似食紧cream咁。Rib eye块扒好大块，用左牛骨髓既油去处理，所以食落更香。好易切开，牛肉嫩滑。另外都有2款酱可以配，个人觉得原味都已经好好食。炒通菜呢个食亲泰菜，我都会叫，好香口好惹味，直情想捞饭食。DIY米纸卷有生菜，香草，菠罗，青瓜，青木瓜同罗卜，配埋越式甜辣酱，可以自己组装! 好多蔬菜，好食得黎感觉又健康。最后一定要食既系佢既榴梿糯米饭配椰子雪糕，榴梿爱好者必食，有成旧榴梿果蓉系顶，中间有椰子雪糕，配埋侧边既脆脆，最底仲有糯米饭!