石一燒 (九龍城) (已結業)

自从有左宋皇台站真系好方便，九龙城真系有好多正野~除左泰国菜，呢间烧肉店都好值得推介！早排同好友黎到，点左个二人套餐 - 极上和牛盛会。个餐包左沙律同樱花虾味噌汤，沙律好FRESH，而且份量都唔少；而樱花虾味噌汤都好惊喜，卖相又几好，饮落唔错！之后开始黎前菜，有日本甜薯、中华沙律等，份量望落简单，食落不过不失～接住重头戏 - 主菜有几款和牛！澳洲和牛封门柳 — 肉质软腍，油花少。日本九州A4 和牛三角胸 —  霜降纹理，大理石油脂分布平均，食落肉质柔嫩，牛味浓郁日本九州A4和牛上前腿肉—  雪花般纹路油脂分布，口感较结实，肉味更浓.  如果唔够食，可以再单点的~另外，套餐仲有饭、雪糕 同饮品~个甜品绝唔HEA场，好好玩又好食！