野郎Stone (已結業)

自从发现咗呢间食牛扒嘅专门店，蕃薯妹迅即当咗佢系食堂，每当和牛瘾起嘅时候就要去会一会野郎夜晚嚟食可能要排队，如果怕排队嘅可以选择食Lunch。门口有一部自助贩卖机，学足日本文化，彷佛去咗东京街头小店，既方便又有趣。不过自助贩卖机只适用电子支付，如果要用现金付费都系要乖乖地走入去向店员落Order。所有牛排都大致分为200g、300g、400g，而A4和牛就分为100g、200g、300g。除咗可以弹性控制自己食量需要选择牛牛嘅重量，仲可以选择加配味噌汤/沙律/白饭/意粉/薯蓉/饮品，每项+$10，如果大胃王想任食呢几个选项，+$30就可以，仲可以无限添食，其实真系几抵！呢度最特别嘅当然系牛扒会以烧热咗嘅火山石板上枱，除咗和牛之外，师傅会先将牛扒烧到一成熟，之后食客可以依照自己嘅喜好慢慢烧成唔同生熟程度。介绍主角︰A4黑毛和牛100g $188每日供应嘅部位都不同，店员会将一片全生和牛扒带到去席前，即时用火枪烧香牛扒表面。佢地亦会细心讲解和牛最佳食用口感系3成左右。真系无介绍错咖！呢块和牛扒充满油香，入口即溶，太好味了。食o既时候加少少岩盐同黑椒，唔需要沾其他汁料，先唔会盖过咗佢嘅牛味。