咲和洋食屋

营业中

休息中

又到中午放饭时间做孤独的美食家，行下元朗睇下有咩食，见到呢间位于旧B仔附近既日式洋食屋，门面好有昭和风日式食堂既感觉，但门口睇餐牌就主打西式食物，有意粉同汉堡之类既，就一于试试。入去坐底睇餐牌，坐位唔多大约5,6张枱，墙身贴左好多旧动画同日本旧式海报，玩怀旧feel，店内都播住d较为旧既日文歌，当我睇餐牌既时候一位估计系老板娘既店员就向我推介佢地既食物特色，套餐可以点配等等，之后入黎既食客都一样有逐一推介，相当热情。餐汤，沙律是日餐汤系蘑菇汤，味道不算太浓，但都饮到粒粒菇碎，沙律就只有生菜同d粟米粒，加上d黑醋汁酸酸地。北海道蟹肉特浓蟹膏意粉睇餐牌时本身都想拣呢个，老板娘更话系佢地既主打，咁就更加要试，意粉系手工意粉，略为扁d同硬身少少，配料有蟹肉蟹膏同蟹籽，蟹肉份量都唔少，蟹膏就少d点缀下，蟹籽量都ok，每一啖都食到蟹肉同蟹籽，口感丰富，忌廉汁都几浓厚。南瓜薯饼跟餐加配18蚊，南瓜蓉好厚实都几甜，新炸起好香口。焙茶跟餐有饮品，热焙茶不用加钱试下，茶味都几浓。整体黎讲食物都唔错，大部份食物都手工制，几有心思，望过其他食客有拣汉堡包既份量都唔细，下次有机会再试下。