影片
更多
2022-10-27
201 浏览
第二次黎食，因为佢环境靓，装修好有日本嘅感觉，四周围都贴有动画海报、日本酒广告、动漫Figure等等，而且门口有落地玻璃，非常光猛，重点系佢午餐时段客量少，支持下佢地兼自我享受宁静嘅环境鳗鱼炒饭定食 $ 68前菜有细碟中华沙律，饮品可以拣绿茶或者面豉汤。鳗鱼炒饭都足料，味道唔会好甜，饭粒算分明，不过有少少过淋，因为我比较钟意食珍珠米嘅烟韧质感酱汁烧豚肉丼 $ 62卖相高分，豚肉用腩位，厚切，味道香，酱汁可能唔够均匀，有啲腩肉偏咸，有啲又冇调味咁，呢个价钱就唔要求太多午市唔收加一，价钱同一般茶餐厅冰室接近，所以我都会选择得闲上黎食，食埋环境同装修都抵
张贴
