集眾菜館

营业中

休息中

朋友强烈推介我一定要黎呢间舖头试吓佢个咕噜肉，今晚终于黎咗，个咕噜肉真系无介绍错，我见基本上差不多枱枱都有叫，坚掂。佢个咕噜人见人爱嘅地方就系真系做到外面就算落咗汁仍然可以有脆皮感觉，而入面嘅肉又可以保持嫩滑兼带少少肉汁，师傅功架出晒黎。佢个小炒皇都好正，炒得够干身，一上枱已经闻到D韭菜的香味，仲有就系佢D芋头丝炸到好脆口，而D腰果亦都炒到香晒，好够镬气。我见厨师推介块板仲有一味白胡椒鱼标好似几正，叫咗，好食好惹味，佢用铁板上热辣辣，仲有佢好聪明咁用了白胡椒辟咗D鱼鯹味，另外个鱼标煎到少少脆面口感唔错。佢个琥珀合桃都唔错，𩠌酒啱晒，老板娘话系师傅自己整唔系直接交货黎唔怪得之咁好味啦。