Artisan Cafe (已結業)

一早要去接肥髀放学，先去食个早餐，返工食茶餐厅早餐食到怕，放假有得拣，通常都会去咖啡店！呢间在天后街角，店面唔大，门口一个柜台，入内有几张学校感觉嘅铁架木桌椅，只有几张小枱，比较迫！转角位两边大玻璃窗，好光猛，早餐选择多，先去柜台落单比钱，有八达通收钱，再埋位等！什菇奄列配多士（$65）新鲜做，好多新鲜什菇，好弹牙，奄列比较熟，似蛋饼多啲，幸好鸡蛋仲滑！唔系老！拌碟嘅沙律以火箭菜为主，比较老，黑醋汁唔多，味道酸甜！多士松脆美式咖啡（$10）咖啡杯好得意，咖啡香浓，店员会问要唔要奶，牛奶另外用瓦奶瓶上，够热谷晒啲香味出来！啡糖要自己去柜台攞！好香浓！店员有礼斯文！早餐一杯香浓咖啡，醒晒！