金坊泰國美食

营业中

休息中

泰式咖喱蟹($148)，哩个价钱系堂食优惠价，非常之抵，仲有得拣肉蟹或者膏蟹，今次我拣左膏蟹，上菜时见到黄黄红红既咖喱已经流晒口水，成只蟹盖都系膏，好满足，至于个咖喱汁味浓，唔会太辣，迎合返香港人口味。芝士大虾伊面($168)，哩个菜式都系值得推介，份量大到可以够3至4人食，而且有6只大虾，伊面挂满晒个芝士汁好惹味。炸虾饼($88)，有8件，平均$11一件，价钱不过不失，咁就讲下味道，虾饼够弹牙食得出冇沟过其他肉类，外层松脆而且仲带有少少余温，即系即叫即炸，必须配埋个泰式酱先最夹。甜品系送，每件都有弹性震震下，一边系椰汁，另一边系大菜糕，好滑，而且一件一口岩岩好。