米走雞Live

营业中

休息中

其实大大话话我都食过4,5次米走鸡,但系每次都系食芝士鸡煲,今次终于试下火焰麻辣鸡煲。店员系鸡煲差唔多ready嘅时候,用火枪点出火焰效果再炒香。虽然叫嘅鸡煲系细size,不过其实对于两个人来讲份量都几多。难肉用左鸡脾肉所以食落啖啖肉又嫩滑。每款手打丸都想试所以就叫咗个手打五宝拼盘,有齐墨丸,虾丸,猪肉丸,牛丸同鲮鱼丸。每款都有2粒,我个人最钟意就系墨丸,弹牙得嚟仲可以食到墨鱼粒。当然唔少得打边炉或者鸡煲必备嘅炸鱼皮,份量都几多,而且大大块好完整。一见到Menu上有牛舌谂都唔使谂即刻order左,一份都有十几块,而且有D厚度,唔会好似食咗阵风咁。