Odelice! (蘭杜街)

环境4分：西式咖啡店格局，楼面几高，Ｄ位唔迫，OK好坐可以畀四分。卫生4分：地方几干净，刀叉纸巾响哂枱，一样可以畀四分。服务5分：侍应个个都斯斯文文，一坐埋位已经整定两杯清水嚟。比餐牌果阵又好清楚地解释个weekend brunch可以点叫，我代先生比五分。味道4分：1)      个澳洲肉眼扒好淋身，个胡椒味够强到唔洗再点汁嚟食。Ｄ薯条呢就好热好脆。2)      第一次食咸薄饼，所以唔知响边度落刀。睇Ｄ相仲以为系脆皮，但原来唔系，不过呢都好薄好软身。Ｄ料响个薄饼上高晒冷，两只蛋好滑好滑，烟肉好脆，番茄同埋磨菇粒都新鲜。佢咁张块薄饼皮包住个英式早餐都几过隐嘅。3)      冇讲大话，个火焰橙酒可丽饼真系响你面前火焰。可丽饼好薄，橙酒甜甜酸酸，一个人三两下就食晒。4)      每人加左四十八蚊要多杯有汽鸡尾酒，味道比较甜，但都几足酒精。5)      泡沫咖啡有拉花睇，又香又滑。抵食4分：Weekend brunch平均百几蚊一个人，价位唔算平，不过最抵果嘢系每人包左杯餐饮，冻柠茶同咖啡都系无限添加，加佢一分。