唐述

营业中

休息中

讲起Fine dining 感觉好似系西餐嘅专利，就算系高价位嘅富豪饭堂，都不免有点老的感觉。但其实细心留意香港都有唔少几高级又有格调的中菜，就好似今日去呢间喺IFC嘅唐述，佢嘅装修以沉色为主，好有格调，而且仲可以望到维多利亚海景，好适合fine dinning。佢哋嘅「世味人生」menu，头盘、主菜连甜品足足有九道菜式，每一样都俾到你视觉同味觉嘅享受。仲有菜式都好附合「世味人生」呢个主题，每一道菜都俾到你多层次嘅味道。头盘嘅滕椒葱油蛏子皇就系辣嘅代表，颜色碧绿入口有藤椒嘅麻辣感觉。冷盘有三款，其中嘅古越龙山花雕鲜鲍鱼，清新之外带点酒嘅辛。除咗甜品之外呢度嘅绵绵川贝杏汁花胶螺头炖蜜瓜汤入都有甜味，我最欣赏系呢个汤嘅绵绵外层，放入汤后吸收晒入面啲味道，然后一次过品尝到汤同海鲜嘅精华。最后个甜品都令我留下深刻印象，呢度嘅姜茶鸳鸯汤圆，姜茶嘅浓味好似用咗成煲姜煲埋咗一碗水，饮完之后，觉得成个人暖晒，汤圆系手造，入面嘅馅料，除咗有红豆之外仲加入少少椰丝，增加口感。基本上整个餐每一道菜式我都非常满意而且呢度嘅环境真系冇得挑剔，好适合节日庆祝。