影片
更多
2022-10-04
140 浏览
海言厨师发办鱼生饭(特上) $430+10%前菜：茶碗蒸蒸蛋嫩滑，味道咸淡适中，入面嘅配料有鸡肉、冬菇、枝豆、银杏、蟹肉，最尾食旧蟹肉配蛋真系非常鲜甜。沙律酱汁非常开胃，酸甜适中，蔬菜都爽甜，插响蛋上面嘅薄脆非常香口，蕃茄清甜，我唔太钟意食蕃茄都觉得好食。鸡蛋比溏心蛋略熟但又未到烚蛋咁鞋口，仲食到蛋黄嘅浓稠同蛋香，哈密瓜亦非常甜🥺。鱼生饭(顺序系师傅指示食嘅顺序)：1.海胆非常鲜甜，回甘味重，完全冇腥味，但因为盒装，略带好轻微嘅明矾味，但完全唔影响甜味。2.石垣贝嫩身爽口，贝肉鲜甜，秋季当造食材之一。3.北寄贝新鲜北寄贝非常爽脆鲜甜，虽然一年四季都可以食到，但品质完全取决于新鲜度，可以差好远。4.香箱蟹肉+膏秋季当造食材之一，师傅手拆蟹肉再捞埋蟹膏，蟹肉鲜甜，蟹膏味道浓厚，鲜味double上。5.金目鲷金目鲷嘅鱼皮带脂肪，除左鱼肉本身弹牙鲜甜外，亦有脂肪浓厚嘅香味。6.秋刀鱼秋季食材no.1，秋季嘅秋刀鱼够晒肥美，鱼肉鲜甜嫩滑，配合本身嘅酸味，真系想食多几旧。7.池鱼碎虽然切碎左做细粒，但依然保留到池鱼本身嘅弹牙，味道亦香浓肥美。8.拖罗蓉基本上拖罗蓉鲜甜浓厚系基本，虽然好食但都响预想
前菜：
茶碗蒸
蒸蛋嫩滑，味道咸淡适中，入面嘅配料有鸡肉、冬菇、枝豆、银杏、蟹肉，最尾食旧蟹肉配蛋真系非常鲜甜。
沙律
酱汁非常开胃，酸甜适中，蔬菜都爽甜，插响蛋上面嘅薄脆非常香口，蕃茄清甜，我唔太钟意食蕃茄都觉得好食。鸡蛋比溏心蛋略熟但又未到烚蛋咁鞋口，仲食到蛋黄嘅浓稠同蛋香，哈密瓜亦非常甜🥺。
鱼生饭(顺序系师傅指示食嘅顺序)：
1.海胆
非常鲜甜，回甘味重，完全冇腥味，但因为盒装，略带好轻微嘅明矾味，但完全唔影响甜味。
2.石垣贝
嫩身爽口，贝肉鲜甜，秋季当造食材之一。
3.北寄贝
新鲜北寄贝非常爽脆鲜甜，虽然一年四季都可以食到，但品质完全取决于新鲜度，可以差好远。
4.香箱蟹肉+膏
秋季当造食材之一，师傅手拆蟹肉再捞埋蟹膏，蟹肉鲜甜，蟹膏味道浓厚，鲜味double上。
5.金目鲷
金目鲷嘅鱼皮带脂肪，除左鱼肉本身弹牙鲜甜外，亦有脂肪浓厚嘅香味。
6.秋刀鱼
秋季食材no.1，秋季嘅秋刀鱼够晒肥美，鱼肉鲜甜嫩滑，配合本身嘅酸味，真系想食多几旧。
7.池鱼碎
虽然切碎左做细粒，但依然保留到池鱼本身嘅弹牙，味道亦香浓肥美。
8.拖罗蓉
基本上拖罗蓉鲜甜浓厚系基本，虽然好食但都响预想范围内。
9.中拖罗
个位比较备赤身部位，虽然肥美差少少，但略带赤身嘅酸味都非常唔错(但我比较想食赤身🥹)
10.中拖酱油渍
肥美部分嘅中拖罗用酱油腌渍(腌渍时间短嘅话，鱼肉表面唔会变色，但相对长时间嘅话，表面会变左色，鲜味凝缩)，保留肥美之外，酱油渍亦带出左鱼肉嘅味道。
11.大拖罗
入口即溶，非常好食，但响预想之内(师傅本身切漏左，但之后补番，所以碗饭入面冇出现)。
12. 沙甸鱼苗
沙甸鱼苗蒸过之后带淡淡嘅鲜甜，
13.烧白子
白子算系好多人嘅地雷食材之一，烧过之后口感似海胆，但比较带黏性，而且烧过之后香味比较浓郁，余韵stay响口好耐，配饭食可以中和一下比较好食，而且完全冇腥味，食白子胆海胆一样最惊食到又腥又臭(同一类野，你懂的)。
14.烧银鳕鱼
油份充足嘅银鳕鱼烧过之后鱼油香气爆发，油份充足所以食落相当肥美香浓。
15.烧深海池鱼
相对银鳕鱼，油份比较少，所以烧过后相比银鳕鱼，香气同油份都较为不足，但都系好食(冇比较冇伤害)。
16.三文鱼子
酱油渍过而且本身咸香充足味道香浓，配饭𠮶时个鲜味同咸味真系一流。
追加
醋鲭鱼紫荆卷 $80/2
鲭鱼肥美鲜甜，鱼肉软嫩，紫菜脆口，醋腌过之后酸味平衡番鲭鱼嘅肥美(好想叫一堆拎走🥺)。
9 浏览
0 赞好
0 留言
张贴
