望月軒

营业中

休息中

信德最近开咗堆新舖，有好几间食肆，早前同事见到有兴趣，今日约埋一齐去试。睇餐牌大致系湘川沪菜，价钱比同业贵些小，亦有做午市套餐，二人前$218三样𩠌，跟白饭，汤同甜品。可能因为新开张冇耐，碗碟非常干净，服务亦很妥贴。我地一行四人叫咗个二人餐，加多两碗面同一个小菜:镇江肴肉 - 口感比食开嘅冇咁啫喱，肉丝份量多啲，明胶较少。毛血旺 - 汤底麻辣有劲，香辣惹味，大肠跟栢叶都好入味，唯猪红味道欠奉。可以叫个阳春面捞呢个汤，一定正!小笼包(四只)- 汤汁好足，而且不膻不腻，肉馅冇实的的，不错嘅小笼包。担担面 - 有辣味，香料味亦足，唔会俾花生芝麻味盖过哂，汤滑而不稠，入口顺喉，系香港少见嘅质素。嫩鸡煨面 - 呢个有惊喜，普遍餐厅面质会好稔，面跟汤混为一团黏糊糊咁，呢度嘅面吸到汤汁嘅鸡香之余，仲唔会稔到烂，青菜配搭佳，系色香味俱全嘅煨面，难得!新疆孜然炒羊肉 - 呢个拎到近枱已经闻到孜然嘅香味，羊肉软嫩唔太膻(有羊应有嘅膻味)，惹味非常，𩠌饭一流。随餐奉送:瑶柱粟米羹 - 味道平平，有少许瑶柱味。椰汁糕 - 一般啦，椰味都够，如果加啲淡奶去造，味道会香啲浓啲，不过胜在唔太甜。临走时个知客问我地啲