麥當勞

营业中

休息中

之前麦当劳有$10 2件脆香鸡翼+细汽水既优惠，咁我就去买左2set特价鸡翼+猪柳蛋汉堡外卖，可能太多人，俾钱同拎餐过程十分混乱，所以拎左个外卖就检查下有无俾错或者少到野啦，点知真系无俾d鸡翼酱我，咁我就同佢讲d鸡翼无比酱我wo，佢就好恶近乎系喝既态度咁话"咩鸡翼啊，你无话要咪无俾你啰，你要讲先俾你架wo"，我当堂O晒咀，食左廿几年真系第一次听d酱要讲先俾，当时我不忿佢d咁既态度想同佢理论，点知佢话"而家咪俾返你lo，快d走，我好忙，唔好阻住晒"，当时真系觉得好委屈，唔通就因为我买特价鸡翼就要受d咁既气？但我大住个肚又唔方便同佢嘈就忍住啖气返屋企，点知原来仲未完，我买猪柳蛋，佢俾左个鱼柳包我😞块鱼柳仲薄到成张纸咁，真系忍唔住喊左出黎，未试过食个麦当劳食得咁唔开心，可能系个别事件，但我有排都唔想再食麦当劳了！