夢見屋 (已結業)

因我为同家姐都唔想煮饭嘅关系，我地决定出去食！由于之前已经食过Poker Cafe觉得麻麻地，所以就去左隔离嘅梦见屋。入到去坐底之后就同家姐研究食咩好！一开始我想食个墨汁意粉，就系呢个时候隔离枱上左碟墨汁意粉。同menu上面嘅样相差成50%有多，放弃！之后见到有个叫特色黑咖喱饭，同时隔离枱又上左碟黑咖喱饭。黑蚊蚊咁、骤眼望落去有啲似芝麻糊，卖相认真唔多开胃！再度放弃！最后我叫左碟鹅肝杂菌长通粉；家姐要左个鳗鱼饭。等左大约十五到二十分钟，鹅肝杂菌长通粉就送到我面前。鹅肝食落好香口同埋好滑；而杂菌食落亦有鹅肝嘅香味，唔错！可惜长通粉未有吸收到鹅肝嘅味道。随后家姐嘅鳗鱼饭到整好送到黎。味道唔淡，但系称唔上好味。而且只有5-6粒鳗鱼，呢到$98一客鳗鱼饭。其他日本餐厅比两条完整嘅鳗鱼都只系$120，相比起来实在有啲唔抵。而且卖相黎讲亦唔算讨好。就鹅肝长通粉黎讲，份量唔算多，但系就用咁大只碟去上，重要将啲通粉摊到咁开。比我感觉好似有啲比人食左一半摊返开再比你食咁。我宁愿你用只细啲嘅碟去上，的的适适咁重好。