影片
更多
2014-08-17
4451 浏览
之前食过一次感觉吾错，见团购$308一位即买两张星期日同男友去开餐其实去到除左每位要再俾$34.8之外，因为系星期日所以每位又再要俾多$22，原本两个人百零蚊都仲觉得无乜所谓。未到六点门外已排长龙，店方又吾理，到六点先开始慢慢放人带枱，又等左阵。入到去想拎生蚝又要排长龙，全程得一个师傅开蚝冇停过冇人帮，等一转又要罚企个几两个字先拎到三只吾好食吾肥美嘅生蚝，拎埋d青口之类海鲜全部都系雪味。算喇唔想企，拎碟俾我见到只碟黑色发霉嘅，已经想讲粗囗 。沙律吧同hams bar选择少冇乜好食，甜品真心逐样试大多唔好食，menu 果d好快到但全部偏咸或者完全冇味，个龙虾汤直头苦嘅。侍应态度好但明显唔够人，部长级果d(有个秃头)不停黑口黑面直行直过当我透明 ，举亲手叫人都等成个字先有人理。好喇，最嬲系咩呢，原来刚入座我出去排队拎蚝果阵侍应行埋泥叫我男友买枱面枝樽装水，男友觉得自助餐冇水饮唯有焗住买啦，大佬成$48枝水，仲要俾我见到侍应会替其他客人斟水先劲嬲。总之冇帮我地斟过。我唔知系男友俾人呃定因为我地系团购客而水都冇杯饮下，事但一样我都接受唔到啰。最后食左个半钟已经想走，埋单仲要俾$170几，本
其实去到除左每位要再俾$34.8之外，因为系星期日所以每位又再要俾多$22，原本两个人百零蚊都仲觉得无乜所谓。
未到六点门外已排长龙，店方又吾理，到六点先开始慢慢放人带枱，又等左阵。
入到去想拎生蚝又要排长龙，全程得一个师傅开蚝冇停过冇人帮，等一转又要罚企个几两个字先拎到三只吾好食吾肥美嘅生蚝，拎埋d青口之类海鲜全部都系雪味。
算喇唔想企，拎碟俾我见到只碟黑色发霉嘅，已经想讲粗囗 。沙律吧同hams bar选择少冇乜好食，甜品真心逐样试大多唔好食，menu 果d好快到但全部偏咸或者完全冇味，个龙虾汤直头苦嘅。
侍应态度好但明显唔够人，部长级果d(有个秃头)不停黑口黑面直行直过当我透明 ，举亲手叫人都等成个字先有人理。
好喇，最嬲系咩呢，原来刚入座我出去排队拎蚝果阵侍应行埋泥叫我男友买枱面枝樽装水，男友觉得自助餐冇水饮唯有焗住买啦，大佬成$48枝水，仲要俾我见到侍应会替其他客人斟水先劲嬲。总之冇帮我地斟过。我唔知系男友俾人呃定因为我地系团购客而水都冇杯饮下，事但一样我都接受唔到啰。
最后食左个半钟已经想走，埋单仲要俾$170几，本身团购都600几，即系每人约$400，计落同餐厅外面讲嘅2小时自助餐价钱差唔多，又唔洗团购print出泥又唔冼预早book位咁烦！
好老实，好失望， 冇下次。
张贴