龍宴 (已結業)

呢度有我钟意嘅人参乌龙茶，仲有个火㷫住个茶壶，保证啲茶够热。（贵宾房先有，茶钱比大堂贵$5）睇系几好睇嘅，不过我就嫌啲茶太热，我吹熄咗啲火🤣。人参乌龙茶（6.5/10）我好钟意饮人参乌龙，但唔系好多酒楼有，咁难得有就梗系试吓啦，茶味带少少甜，但可惜回甘味唔够。铁观音（7.5/10）茶味够浓，都几香，唔错。凤爪排骨饭 （4/10）个饭腍bat bat，完全唔得，3.5分系比凤爪同排骨。咸鱼肉饼饭 （6.5/10）呢个饭好少少，冇咁腍。咸鱼肉饼就正正常常。蟹籽烧卖皇 （3/10）又系腍bat bat，仲有少少苦味。水晶鲜虾饺 （7.8/10）终于揾到个叫食得下，皮都算薄，虾都大粒食落都爽口。香煎萝卜糕 （5/10）冇乜馅料，粉多，似系系台湾食嘅菜头粿。姜汁鸡包仔 （7/10）影漏咗张😂包都软熟，仲有啲姜丝馅料都多，都OK 。总结：食物好多都唔得，茶都叫饮得下，但我应该都唔会有下次喇。