I-Lounge (已結業)

ｏ个日去呢间餐厅食lunch，谂住佢新开张试下喇，点知真系好唔掂！个set lunch 净系得Duck Breast / Lamb, 我两样都唔钟意食，谂住叫A la carte, 点知个经理竟然话lunch time 冇a la carte. 我问佢可以点，　佢好耐先覆话厨房有’一’旧鱼，大家注意系一千零一旧，心谂都算喇，经理竟然话要加钱，个餐已经成百几蚊，仲要加钱，都算喇．点知旧鱼嚟度竟然怪怪地，原来雪咗好耐仲要系唔熟，个经理攞旧鱼入去再煮过，真系乜胃口都冇哂．个dessert又系唔掂，个tiramisu好似水咁，仲话系佢特色．．．唉！埋单ｏ个时，冇减钱不特只，sorry都冇声，仲叫我夜晚嚟帮衬，真系多谢夹唔该，我以后都唔会再嚟．