寶琳冰室 (新都城中心三期)

营业中

休息中

食嘢好似俾钱买难受咁。啲员工语气劲差，好似想吹你快啲讲完咁。唔知点解，呢度嘅员工都好有默契，我问完一个问题之后我谂住嗌嘢食嘅时候佢哋就会走开，唔继续听落去，好似有十万九样嘢等着佢哋做。问完个饭可唔可以加底之后佢走开。问佢有冇纸巾，同我讲完一包纸巾$3我啱啱谂住话买佢就走开咗。第一次嚟食，等佢个饭等咗五个字，问佢可唔可以快啲，佢同我讲等多阵，转左个头去做第二啲嘢。最后得出嚟个碟就鬼死咁大碟，鸡排就仲细过一个拳头，加多两条菜。第二次嚟食𠮶个咖喱牛腩饭，啲牛腩好似攞去煲汤𠮶啲牛腩咁，成兜汁得𠮶三旧牛腩，有一旧唔知计唔计好因为烂到已经唔可以再形容为一旧牛腩。啲份量又少，人又态度差。如果唔系呢间嘢开到凌晨两点本来真系唔会考虑再嚟一次。而家就算佢开到凌晨三点我都宁愿去食麦当劳。