影片
更多
2024-08-31
453 浏览
今日中午路经呢间装修好似几企理嘅日式餐厅食个快lunch，佢旺角朗豪坊间分店都有食过一次，印象中猪软骨主菜几唔错，日本米嘅白饭都好食，但前菜、主菜份量唔多，个汤都系味道偏淡。谂住连锁日本(概念)餐厅，分店质素唔会太参差，点知就中晒伏😓我哋两个人每人叫咗一个主菜套餐，汤就叫咗粟米汤同野菌白汤，汤料几多，但个汤好似啲即冲汤包咁，好淡。主菜叫咗豚肉寿喜烧同南蛮汁鸡扒，个寿喜烧煮到好似关东煮咁，完全唔系寿喜烧！但最离谱系个南蛮鸡扒，份量好少，个汁只可以用咸、酸、辣嚟形容，好似用辣椒豆瓣酱煮出嚟咁，劲难食！完全唔敢相信日本菜会有啲咁嘅味道(后来Google呢间连锁餐厅其实系本地嘢，唔系日本品牌)。仲有另一样野，我哋都几肯定佢一定唔系日本品牌，就系装饭个碗崩嘅！崩到会𠝹损口𠮶种程度，我哋仲发现唔只我哋其中一个「中招」，系隔离枱个客人嘅饭碗同样都系崩得好明显，试问一个真正嘅日本品牌点会容许呢啲事情发生呢😏于是我哋食完同店员反映，个碗崩咗，店员即时呆咗，然后「哦」一声就走埋，完全无跟进，如果系有受训嘅日本品牌嘅店员一定唔会系俾呢种反应客人。总结，人均近$100嘅午餐，得到呢种食物质素同服务态度，只可以
我哋两个人每人叫咗一个主菜套餐，汤就叫咗粟米汤同野菌白汤，汤料几多，但个汤好似啲即冲汤包咁，好淡。主菜叫咗豚肉寿喜烧同南蛮汁鸡扒，个寿喜烧煮到好似关东煮咁，完全唔系寿喜烧！但最离谱系个南蛮鸡扒，份量好少，个汁只可以用咸、酸、辣嚟形容，好似用辣椒豆瓣酱煮出嚟咁，劲难食！完全唔敢相信日本菜会有啲咁嘅味道(后来Google呢间连锁餐厅其实系本地嘢，唔系日本品牌)。
仲有另一样野，我哋都几肯定佢一定唔系日本品牌，就系装饭个碗崩嘅！崩到会𠝹损口𠮶种程度，我哋仲发现唔只我哋其中一个「中招」，系隔离枱个客人嘅饭碗同样都系崩得好明显，试问一个真正嘅日本品牌点会容许呢啲事情发生呢😏于是我哋食完同店员反映，个碗崩咗，店员即时呆咗，然后「哦」一声就走埋，完全无跟进，如果系有受训嘅日本品牌嘅店员一定唔会系俾呢种反应客人。
总结，人均近$100嘅午餐，得到呢种食物质素同服务态度，只可以讲佢点扮日本风格都无用，客人俾佢呃咗一次都唔会呃第二次。
张贴