風月堂 (已結業)

因为去睇戏所以贪就脚黎左呢度食，以前都食过MK同CWB，觉得OK，但系食完呢次我谂冇下次。首先就系价钱贵左，我觉得如果KEEP得住质素贵D都OK，通胀丫嘛，冇法啦。好可惜，佢地应该系又加价又偷工减料。首先食照烧鸡salad，order左唔够五分钟即到，一睇就知唔得，D菜好散好碎，块鸡好干好鞋。跟住系鹅肝炒饭同大虾元贝焗薯蓉。块鹅肝只有5CM X 5CM，饭入面有D小鹅肝粒但系唔多，仲要冇咩味道...又唔系用靓饭炒，我俾佢喺出面最多值$40，佢呢度就要$95!!个个薯蓉方面，薯蓉多到见唔到元贝同虾...见佢服务态度OK，如果唔系我一定投诉佢D食物。丫仲有，我唔expect喺要俾10% service charge情况下，我要摆张单出去自己埋单lor!我既意思唔系我好尊贵要你serve我，但系话晒我都唔系食紧茶餐厅，冇咩可能系咁下话...可以肯定唔会再黎。