風月堂 (已結業)

睇戲前搵定食野先, 近近地就隔離間風月堂, 點知 >_<嗌左個雞扒lunch set, 有沙律餐包, main course, 甜品同drink個沙律好新鮮, 汁好味, 餐包軟林林而且仲暖既, 但個雞扒唔掂, 好鞋, 唔熱, 薯條林知知, 一d都唔好食甜品係雪糕waffle, waffle好林, 雪糕係傳統三色雪糕drink嗌左fruit punch, 普通之前食過其他甜品, 好好多, 下次都係食甜品先再去.

牛仔骨 - 牛仔骨肉味yummy忌廉菠菜 - 忌廉味濃夠哂creamy, 但菠菜吃得多會條利會鞋哂啊南瓜煙肉薯球 - 新鮮配搭好味三文魚天使麵 - 主食既最佳選擇，份量足又好味日式炒飯 - 這個炒飯入面無乜送大部份係雜菜，麻麻地芒果香蕉pancake - 芒果 X 香蕉口感豐富，味道很夾好好食芒果酥餅 - 芒果甜品包無失準

其實我好鐘意周圍去食野一直都係OPENRICE FANS不過今日突然有興致打下食評風月堂 其實開左咁多年 唔係食左好多次事關之前去CWB同MK亞皆老街分店都好多人對於一向都排隊怕怕既我而言 次次想去都會止步今日男朋友突然話不如去奧海城風月堂試下 咁就去左喇 見到其他食家O係OPENRICE話呢間質素麻麻晚飯時間7點去到 真係得小貓3,4隻 好驚中伏 只好祈禱D野食OK嗌左之前食過既海鮮湯意粉 一貫水準 幾多海鮮 超濃蕃茄味試左個新野 豚肉+薑PIZZA出奇地幾好食 PIZZA底脆卜卜 薑味幾香 有汁唔太乾身 豚肉林身 仲有洋蔥之後揀黎揀去嗌左4式WAFFLE雪糕船幾個唔同口味既小WAFFLE 有芝麻,綠茶,紅豆,原味WAFFLE有少少唔夠脆 不過都可接受 8點鐘就食完 仲有時間去行街好過去旺魚等到暈都未有得食下次會再黎奧海城食 貪佢唔駛排隊 哈哈

每次去奧海城的百老匯戲院睇戲，都會經過「風月堂」，一間有日本風味的西餐廳。 以前試過在此晚飯，但都很久沒有來了，今天放假，下午就趁散場，吃個下午茶。 下午茶餐，一律$58，憑戲票有88折, 我選了Set A，「日式拼盤」： 包括肉醬酥皮牛肉卷一件，蝦多士兩件，照燒雞翼兩件 肉醬酥皮牛肉卷： 酥皮做很薄而軟，但不脆，而肉醬牛肉的茄味濃，也有點洋蔥味 蝦多士： 炸得很鬆而脆，又太油膩，不俗。 照燒雞翼： 雞翼燒得頗香，有甜甜的燒汁味，但可惜上碟就欠缺燒汁，感覺有點乾 套餐包飲品，咖啡就一般。 服務方面，有茶餐廳水準，但慢半拍的茶餐廳, 我厚道地給3分。

話說今晚同朋友想試下風月堂...見其他分店排隊排到傻....so 選擇奧海城呢間分店........一去到7點幾......勁多吉位.......心知不妙.....但都照試下啦.......叫左個煙三文魚Pizza.............好似無煮過咁....又凍又難食........另外叫左個天使麵，一般般啦....超多油......最後黎埋個香蕉雪糕Waffle.....嘩......d waffle 林到爆....超難食..........價錢又貴= = 真係完全被騙了囉......!!!!!無下次 !!!!!!!!!!!

因為買左風月堂張咭有d coupon, 所以前晚又約友人去食飯.明知晚上來食飯,一般我都會上去網睇下有咩優惠,點知又多一張coupon可以印5月份食滿$250送一客芝士煙肉焗什菜, 當晚友人叫左三文魚天使麵,我就叫左鱸魚蕃茄炒飯估唔到送贈既焗什菜咁好味, 面層有大量既芝士焗到金黃充滿芝士香味, 底部還有d薯容這一個贈送食物成晚最好.至於我地2個叫既主食都好算唔錯, 友人叫既天使麵用什姑一起炒又唔會太油, 不過三文魚煎得過火偏乾.鱸魚蕃茄炒飯同樣出現偏乾無咩魚味唔算好食.最後我地仲叫左個什果雪糕waffle食, 用上玉桂焦糖做醬汁配上雪糕一流. waffle做得外脆內微軟值得一讚.

跟大哥茶聚，選擇了這間試過銅鑼灣分店而又感覺良好的店子下午一時多入席，店子坐滿了吃午飯的人點了一個甜點、一個茶和一個咖啡當時大概是一時二十分店子環境是不錯的桌子上的小擺設也非常典雅雖說坐滿了人、服務慢一點情有可原而且我明白虹吸壺咖啡時間掌握需要十分精確但只是一個凍維也納咖啡也要在我們一追再追之下半小時後才送上凍維也納咖啡來了以後人也已經散了一點我的蜜糖桂花蘋果茶也隨後送上（當時已二時）幸好茶也算不錯很細心的把三個味道分開上：打開那盛著桂花茶的壺，感到一陣最喜愛的桂花香：那個壺保溫功效是不錯的，到了三時茶還暖，但可惜的是倒出來的茶沒有桂花香（因為花被隔著倒不出來）四片蘋果其實是製飾用比較多...如果真的要用蘋果片把蘋果味加在茶裏，就要（像我般）用匙在茶杯裏不停地對那幾片蘋果施壓（如果店子真的想茶裏有蘋果味的話...給的應該不是蘋果片...而是蘋果汁）那盛著蜜糖的瓶子裏頭有很明顯的蒸氣...而且拿上手的感覺是過了我會稱為暖的溫度...但這個顏色和那甜味...會不會其實是開在熱水的糖漿？（因為正常來說是不會用熱水開蜜糖的...會變酸...）整體感覺是良好的：蘋果香和蘋果味在我施壓後也明顯、甜

每次去奧海城都一定係食風月堂！♥ 小食併盤 ♥ ：餐前小食幾好食！♥ 大蝦煙三文魚米卷 ♥ ：每次必食！配搭得宜，再沾少少wasabi 醬 (我本身唔食wasabi 都沾少少，因為香)，好味！推薦！♥ 煙肉菠菜卷 ♥ ：本身叫開芝士菠菜雞卷，今次叫錯o左！但都好好味！♥ 凱撒沙律 ♥ ：每次必食！各配料份量得宜！好味！推薦！♥ 日式燒烏冬 ♥ ：每次必食！我同男朋友仲會出現爭食情況 好味！推薦！♥ 豆腐雪糕窩夫 ♥ ：每次必食！夠香夠脆，外暖內冷！豆腐味香！男朋友至愛！推薦！♥ 雜果雪糕雙色窩夫 ♥ ：每次必食！有好多我最鍾意食o既窩夫！推薦！

是晚幾位朋友聚舊, 隨便選了這餐廰, 事關從未光顧過, 即管一試!內在環境白色為主, 非常光猛, 相信這店對清潔很有信心跟餐的羅宋湯一般, 可以不要, 餐包和微溫軟綿綿, 美味! 跟餐沙律不過不失, 都是一般生菜沙律, 可以接受! 主菜的牛肉探用了肥牛, 有點意想不到, 沒讚沒彈吧.... 牛肉與有薯仔及蘿蔔的咖喱汁在一塊蛋上, 而飯就在最底層, 雖然名字叫奄列, 但似是一隻煎透的熟蛋多於奄列, 雖然沒大影響, 但名字可能不太配呢!? 整體上咖喱上帶出重點, 美味與否, 全靠它, 幸好沒令人失望, 都是一般標準日式咖喱味道, 好像那些在日式百貨店可買到的咖喱磚般味道, 不能出錯呢!服務只是一般, 侍應們不太有記性, 儀容一般, 欠缺信心的樣的般, 最意外的是結脹時被請到外面的收銀櫃, 原來有此一舉, 一間這樣格局, 中上價錢的日式餐應結脹程序竟然要由客人自行取單到收銀處付款, 有點兒不像樣吧!

因為去睇戲所以貪就腳黎左呢度食，以前都食過MK同CWB，覺得OK，但係食完呢次我諗冇下次。首先就係價錢貴左，我覺得如果KEEP得住質素貴D都OK，通脹丫嘛，冇法啦。好可惜，佢地應該係又加價又偷工減料。首先食照燒雞salad，order左唔夠五分鐘即到，一睇就知唔得，D菜好散好碎，塊雞好乾好鞋。跟住係鵝肝炒飯同大蝦元貝焗薯蓉。塊鵝肝只有5CM X 5CM，飯入面有D小鵝肝粒但係唔多，仲要冇咩味道...又唔係用靚飯炒，我俾佢喺出面最多值$40，佢呢度就要$95!!個個薯蓉方面，薯蓉多到見唔到元貝同蝦...見佢服務態度OK，如果唔係我一定投訴佢D食物。丫仲有，我唔expect喺要俾10% service charge情況下，我要擺張單出去自己埋單lor!我既意思唔係我好尊貴要你serve我，但係話晒我都唔係食緊茶餐廳，冇咩可能係咁下話...可以肯定唔會再黎。

平時都有做吓啲網上問卷調查，卒之儲夠積分可以換嘢，通常我都係換啲飲飲食食嘅現金券，可以免費食番餐，難得可以揀風月堂，我又未試過，所以就一於係佢喇，搵咗晚同太太去食，雖然手揸著$200現金券，但風月堂賣嘅餐都唔係種平民大眾化嘅價錢，結果需要補番$70先可以落樓。風月堂分店唔多，揀奧海城係因為閒日依度唔係旺區，相對易換位，至少比起旺角同銅鑼灣嘅店舖無咁多人，而且都算就腳。當晚去到都唔使等，就安排到一個卡位，全店一室明亮潔白，白牆、白梳化椅，卡位以透明玻璃暗花相間，又有啲假樹裝飾，最難得係空間闊落，枱唔會拍到密質質。而卡位又特別寬闊，一般女士身形真係可以一排坐到三個架。每枱又有一樽小花點綴吓，無咁單調。除咗多款散叫，仲有做套餐，包括夕食，即係Dinner set，同日式定食，即係Japanese set。前者有三款：扒牛柳伴帶子伴什菌汁配飯意或薯菜、煎香辣雞扒伴大蝦伴香辣汁配飯意或薯菜、煎鱈魚蜆肉野菜忌廉意粉，跟是日餐湯／羅宋湯／燒鮮菇芒果什菜沙律，仲有自選雪糕窩夫及餐飲；後者有一人御前定食、牛肉稻庭烏冬定食、什菜稻庭烏冬定食、自選日式定食，跟餐包括埋麵豉湯、附物同生果。其實啲餐都計落幾豐富

星期日行開奧海城, 諗住飯食加睇戲, 拍拖行街放假輕鬆下但係午飯時間人山人海, 四處都係人龍排隊食飯, 諗住有排先夠鐘睇戲, 排下隊都冇所謂啦行左好耐都冇位, 但係見到戲院門口間風月堂, 店內人流同其他店舖成反比, 但係有位坐, 又近戲院門口, 冇所謂啦大熱天時, 坐下來想飲番杯水, 但係個侍應只係俾左兩杯熱水我地 (追問下, 原來佢地只提供熱水, 真係奇怪)望下個餐牌, SET LUNCH得四款, 但係個價錢都十分貴, 一個SET LUNCH可以買到兩張戲票叫左個肉卷定食, 連雪糕巴夫.等左一陣, 個LUNCH來到, 份量都算足夠, 外觀唔算得係美觀, 味道方面都算一般, 唔係好好食, 跟來試埋個甜品, 雪糕算係夠凍, 但係個巴夫....可能唔係好多人, 用餐後, 可以坐多陣, 傾下計, 等夠鐘入場睇戲.埋單合計, 二人合共200元, 有點兒貴.心諗如果唔係近戲院門口, 佔左地利, 都未必有人會光顧呀

由觀察可見，奧海城的風月堂會很快配合商場的店舖規畫有所變動，原因如下：1. 人流少以致享用晚餐的客人也比較少2. 客人少以致服務員更少3. 服務員少以致上菜速度較慢由於不用等位到坐下來點餐，食客需要向服務員要求才會有餐牌，而提供餐牌同時，服務員會把點單紙一同送上與其他分店比較，真的是別樹一格！但大家要注意，食物價錢卻是一樣的自己填完點單紙後，服務員也不會重覆客人點了什麼菜餚值得一讚是，前菜上枱不慢(可能是因為客人不多)而食物比上一次差了少許，同樣是叫煙肉雞pizza，但有少許其他味可能是用具沒有清洗乾淨吧~~(純髓個人估計)吃完主菜後，知會了服務員上餐茶及甜品。餐茶等了一會便到，但..............................甜品吹了4次單........還是在等.....等到店舖準備關門，店員要求我們先結脹，錢也給了......不過甜品還未來我們也不想阻他們關門，甜品來到後快快吃完便走人另外，提一提大家，此分店結脹時，客人是需要親自到前台結脹的除非像我們那樣等食物等到別人關門，就會有專人拿脹單來請求你找數，哈！

係從上環搬番o黎後, 第一次正正式式, 坐定定o係呢度食, 當然, 基本上佢都無乜轉變簡單的沙律前菜, 無咩特別, 一向不太喜好, 唔苦就得喇正餐是日式的, 串燒帶子及鰻魚。兩者都唔係好夠熱, 味道不突出, 沒有新鮮的氣息。飯香亦不足甜品還keep 到正常, 雪糕香甜, 夾餅香軟最後還有, 香濃的凍朱古力, 甜到入心等位方面, 始終僧多粥少, 平日午餐請早

和友人到奧海城遊逛，累了便到這間餐廳小休一會！餐廳的裝潢雅致，給人舒適的感覺；然而我們到達已是5時，可能店員忙於準備晚市，所以侍應的人手不多，在只有一檯食客的餐廳外，我們等了數分鐘，結果還是自己進入找座位，很有茶餐廳的感覺。幸好，坐下人即有侍應倒水及遞上餐牌，餐桌上的擺設很悅目，白色的餐斑班桌加上有色彩的餐碟，已令我在疲累的狀態中有一絲喜悅。餐牌上的食物同樣吸引，就如一個小朋友進入了糖果王國一樣！友人被雅致的餐杯吸引著，叫了一杯藍苺花茶，而我被色彩繽紛的甜品吸引著，叫了一客芝麻雪糕巴菲。藍苺花茶的味道香濃，配上雅致的荐具，給人一種高尚的感覺！友人倒出茶來，我也嗅到陣陣的花茶香氣，淺嚐了一口，甜甜的感覺就如餘韻，在口中盪漾著，真的很不錯！色彩豔麗的巴菲端出來，我就如小孩子般興奮！食物的賣相確實相當不錯，而且雪糕配上果醬，味道不會太甜，恰到好處。坦白說，整間餐廳給人的感覺很幽雅，給人們一個閒息的空間，但人手不多，以致服務受影響卻是美中不足之處。自己取餐紙點食物(如酒樓點心)、到門外的收銀處付款(如茶餐廳)卻不是一間日式餐廳應有的服務。希望下次有機會再到來的時候，他們的服務不會將雅致的環境和