水門雞飯 (蟾宮大廈)

营业中

休息中

今日做野做到冇晒时间，到觉肚饿时已经好晏啦，即刻要揾啲野食。同事话附近间水门鸡饭好得，快靓正，所以就即刻去食。过左食饭时间，冇咩人，可以好快有位同食野。黎到更系要食鸡，要左半份。 黎到几靓，鸡冇骨，皮肉分明，睇到冇咩肥膏，好放心食。 佢仲要少少鸡杂跟，我就钟意食佢既鸡肾多啲，好爽，同劲滑嫩既鸡肉好大对比，好夹。 佢仲要跟埋有个楜椒汤，好暖胃。睇有咩菜时竟然有韮菜花，真系好少见，比其他菜吸引多啦。 韮菜花好嫩好甜，加埋佢地自己炸既蒜蓉同秘制豉油，好好味，而且够大碟，好难得。因为肚饿，要多个炸腩仔，都算唔错，冇想像中油，但最后都食唔晒。第时肚饿都唔可以太睇得起自己。试左佢地既泰式冻黑咖啡，整体系ok既，但意外系佢甜既。 如果可简称甜就好。 不过可能系我唔饮甜先觉麻麻，味道算唔错的。而食物真系几好，同事冇介绍错。