塔門仔海膽燒 (已搬遷) 新店位置

呢排周围去，唯独冇去塔门，因为去亲塔门我呢啲新界人来回起码来回5个钟 lol 嘴馋既我又想回味下塔门风味既海胆炒饭，之前睇电视介绍佐敦开设塔门仔海胆烧，正正满足我呢啲偏远地区想食塔门海胆既人。个个都吹捧日本海胆既美味既时候，本地海胆其实都一啲唔输蚀，塔门海胆亦充满海水鲜味，炒饭粒粒分明唔湿软，炒得唔错，加上海胆鲜甜，为炒饭加唔少分。有别于塔门既系塔门仔海胆烧除左主打海胆炒饭之外，呢度有塔门既烧物食。人地饮茶一盅两件，我就「一炒两烧」。明太子鸡翼相当胀卜卜，尤其鸡翼被咸香十足明太子塞满，一咬之下明太子汁大爆发，鸡翼皮烧得香脆，鸡肉保持嫩滑。翠绿鲜嫩清爽既芦笋被薄切脆卜卜豚肉包裹住，淡淡豚肉油香，非常搭配。当然唔少得要饮塔门手打奶茶同紫贝天葵，奶茶茶味浓郁，口感丝滑，紫贝天葵微酸带甜，解渴之余亦消除饱胀感。