目利きの銀次 (已結業)

首先，呢度既环境系几好，几有气氛，但上餐速度同服务就令我好不满。第一，我嗌左个辣呑拿鱼卷，先唔讲点解日式料理会用韩式辣酱上菜，个问题系碟嘢半个钟有多先黎到。问左个经理一次，佢同我讲，就黎到。哇，你个就黎到都几"快"嫁㖞。其实如果碟嘢系制作需时，系咪应该系客人落单果阵就提醒番呢？而唔系一催再催，等到颈都长都未黎到。第二，我嗌左个三文鱼小卷，先唔讲6件小卷同争x个样同味道一样，但收你42蚊。呢碟嘢又系上餐速度慢到顶唔顺，据我所知，整呢几件嘢点都唔洗半个钟。有乜可能耐成咁？其实都系果句，制作需时可以同客人讲声，免得令人咁炆。第三，我叫左个侍应帮水壸加水，点知就一去冇回头，攞左个水壶唔俾番人。姐系我嗌左你帮我加水就姐系我要水啦，你又要唔俾番人，咁我点饮？最后，我想讲，唔系话我要求高，而系我觉得去一间餐厅食嘢，唔系净系食物质素先重要，侍应服务态度都好重要，食得开唔开心好睇间餐厅点对待客人。总之，呢度啲食物再好味都冇用，服务态度唔好，我都系唔会再黎。