影片
更多
2023-10-02
362 浏览
10/2公众假期游客多， 忽然想食沾面，都有啲惊多人。嚟咗呢间三田制面所完全唔使等位直接入。 之前睇食评有人介绍虾汤沾面所以先谂住嚟试， 点知应该系期间限定注定无缘。 咁我就点咗个豚骨鱼介汤沾面，中量。 被安排到单边坐门口位 ，有蚊滋枱上行来行去。落单，店员一副唔想做咁嘅样， 落完单先发现原来有热面提供， 叫返住五步之内嘅店员，佢无反应扮听唔到， 因为都想食热面，所以我坚持再嗌佢， 佢望都冇望我落完单就话咁“你系咪要”，我应咗话系。 入正题，唔使三分钟碗面就到咗， 碗鱼介沾面汁系热嘅，亦都好浓郁，浓得嚟唔咸， 可惜嘅系个面浸咗落去，第一啖食落去，哗，暖嘅？ 开头以为系个沾面汁唔够热，但后来发现系个面本身只系室温（ 本人特登有用嘴唇去试面温）。 到底呢个就系所谓嘅热面定系店员畀咗冻面我呢， 呢个就不得而知。 面质还可以，但未称得上烟韧q弹 。再嚟就系旧肉，冇味嘅，一嚿白肉切开上碗， 我都冇食晒，半个糖心蛋味道ok,有味也流心。食完后都不想久留，埋单，哗，仲收加一，唔系far😅,总之感觉唔良好， 如无意外冇下次。
被安排到单边坐门口位 ，有蚊滋枱上行来行去。
落单，店员一副唔想做咁嘅样， 落完单先发现原来有热面提供， 叫返住五步之内嘅店员，佢无反应扮听唔到， 因为都想食热面，所以我坚持再嗌佢， 佢望都冇望我落完单就话咁“你系咪要”，我应咗话系。 入正题，唔使三分钟碗面就到咗， 碗鱼介沾面汁系热嘅，亦都好浓郁，浓得嚟唔咸， 可惜嘅系个面浸咗落去，第一啖食落去，哗，暖嘅？ 开头以为系个沾面汁唔够热，但后来发现系个面本身只系室温（ 本人特登有用嘴唇去试面温）。 到底呢个就系所谓嘅热面定系店员畀咗冻面我呢， 呢个就不得而知。 面质还可以，但未称得上烟韧q弹 。再嚟就系旧肉，冇味嘅，一嚿白肉切开上碗， 我都冇食晒，半个糖心蛋味道ok,有味也流心。
食完后都不想久留，埋单，哗，仲收加一，唔系far😅,总之感觉唔良好， 如无意外冇下次。
豚骨鱼介沾面
$92
3 浏览
0 赞好
0 留言
张贴
