興記菜館

营业中

休息中

今日同相识多年，加拿大返港嘅朋友聚会，就带竹星妹朋友到最地道嘅油麻地食个煲仔饭。 起初谂住食四季煲仔饭， 但系排队嘅人实在太多， 目测估计起码要等一个钟， 基于咁既原因， 我哋就去咗隔离嘅《兴记菜馆》。 呢间大排档舖面较大， 虽然都有人龙， 单排两三个字就已经有位。呢度嘅煲仔饭价钱相当之抵食， 三四十蚊已经有一个，论价钱简直冇得输。叫咗个【排骨腊肠煲仔饭】， 煲仔饭即叫即煮， 等嘅时间大概十分钟， 边食边等其实时间好快过。 上台之后就淋上煲仔饭豉油， 再焗一焗，食得！ 可能价钱平， 排骨方面净系得几旧， 只系盖过饭面三分一位置， 不过价钱咁平，算！ 排骨算多肉， 但系就比较鞋口， 至于腊肠， 就认真细条， 得两条脆皮肠咁长， 好可怜。 至于煲仔饭嘅重点： 饭焦， 就简直唔得啦。 饭焦真系焦黑色， 真系食多啖都怕生cancer， 所以我哋都唯有放弃。唔怪之得隔离间四季咁多人排队， 呢间兴记应该系执死鸡， 捉紧著食客唔想排队嘅心态。要好好记住，排队唔一定好食，但唔使排就要考虑吓。