一葉台灣料理

营业中

休息中

夜晚系附近收工之后，谂住揾间餐厅食完先返屋企，见呢间野几多好评，价钱又唔贵，就黎试下～主食嗌左一个台式少米粉（唔记得影相🥲），一黎个样完全就系广东炒米粉😂但味道其实唔错，炒得好香好惹味👍🏻只系略嫌油左少少…另外菜就嗌左台式菜脯炒三宝，即系茄子、苦瓜同四季豆，呢碟都系一样，唔台式，味道正常，但就比上一碟更加油腻😖另外仲有一个台式炸鸡排，入面鸡肉几嫩滑，皮亦炸得啱啱好酥脆，仲有少少奶粉味，味道几好😋但实在成餐饭都太油，最后都系食唔晒🥲所以食完谂住嗌个综合小丸子解一解油腻，入面有芋圆同地瓜圆，但啲糖水太甜，亦无咩芋头味，仲要好有咬口，咬到最后有啲攰😅，可以唔使特别嗌…其实呢间既味道总括黎讲正常，只系油腻左少少，价钱都算合理，附近打工仔lunch既时候都可以食下。