The Fat Pig (已結業)

星期四晚同朋友食饭，佢地系日韩美英几间唔同餐厅入面拣咗呢个食「英国菜」的The fat pig。第一次听个名时以为系The salted pig嘅分店，但食完之后真心觉得后者好好多。首先佢个food menu系就咁印系餐枱纸而唔系一个餐牌嚟的，感觉有d似茶餐厅（其实茶餐厅都会有一份份嘅餐牌）。Drink menu先系一份可以揸住系手睇嘅餐牌。虽然可能悭咗几份food menu餐牌系可以环保啲，但对于一间唔系走平价路线嘅餐厅嚟讲咁样都几影响喺到用餐嘅人嘅experience。跟住睇有咩食嘅时候又有少少shocked，可是因为一心系谂住食「英国菜」，所以见到有中式炒粉面饭嘅时候真系打咗个突。咁我地都系嗌返啲西式啲嘅菜式嘅：洋葱圈、手撕猪肉迷你汉堡套餐、烟肉班尼迪蛋同焗圆蹄芝士通粉，谂住贪得意叫一个叉烧包试吓，点知个waitress听到我地只系叫一个叉烧包即系黑面同反问我地：「Only one?」但其实我地得三个人，咁本身叫嘅嘢都唔系特别少，点解净系叫一个叉烧包都要咁样受气？无奈之后唯有叫咗两个叉烧包，结果食哂两个叉烧包之后饱得滞搞到食唔落其中一个迷你汉堡啰。咁讲返啲食物，其实都不过不失嘅。