影片
更多
2022-05-25
930 浏览
.📍台风📍#馒头去荃湾 #馒头食日本菜呢间拉面店舖仔细细，但人气颇高，每次小编经过嘅时候都见到劲多人排队，某日平日晏昼见人流冇咁多，一于走去试下。------------------------------1️⃣ 沾面 ($83)其实小编原本唔系想食呢个，但我见店家讲话自己嘅沾面质系每日限量30份，心谂咁把炮就比我见识下佢有几好食。Em...🥴老实讲有啲失望，首先佢哋嘅汤底鲣鱼味同豚骨香🐷系几出嘅，唔会过咸过油，但就唔会话饮到好多层次；呢度嘅面虽然冇话食得出好香嘅麦味，但面条温度符合沾面𠮶种冷面嘅效果，保留到弹牙有咬劲嘅面质🙈，加上面条挂汤能力同汤底浓稠度嘅平衡都做得唔错，每一啖都唔会好淡味。好可惜佢哋嘅汤唔够热，胶碗嘅保温能力亦一般，加上啲面本身又系冻嘅，以至于食到后面感觉似食紧冷面🥶，呢一点真系扣好多分。配料就有叉烧、荀、京葱、半只溏心蛋同紫菜。虽然系瘦叉烧，肉质自然唔系柔软入口即溶𠮶款，但由于系低温慢煮嘅关系，所以食落都唔算干嚡，肉味颇浓郁，不过感觉就唔系好新鲜，但小编更加钟意旁边嘅肉碎，肉质会更加软腍唔黐牙；溏心蛋嘅生熟程度亦把握得恰到好处，不过就冇乜味道。整体好坏参半，不过食物份
📍台风📍#馒头去荃湾 #馒头食日本菜
呢间拉面店舖仔细细，但人气颇高，每次小编经过嘅时候都见到劲多人排队，某日平日晏昼见人流冇咁多，一于走去试下。
------------------------------
1️⃣ 沾面 ($83)
其实小编原本唔系想食呢个，但我见店家讲话自己嘅沾面质系每日限量30份，心谂咁把炮就比我见识下佢有几好食。
沾面
$83
53 浏览
0 赞好
0 留言
Em...🥴老实讲有啲失望，首先佢哋嘅汤底鲣鱼味同豚骨香🐷系几出嘅，唔会过咸过油，但就唔会话饮到好多层次；呢度嘅面虽然冇话食得出好香嘅麦味，但面条温度符合沾面𠮶种冷面嘅效果，保留到弹牙有咬劲嘅面质🙈，加上面条挂汤能力同汤底浓稠度嘅平衡都做得唔错，每一啖都唔会好淡味。好可惜佢哋嘅汤唔够热，胶碗嘅保温能力亦一般，加上啲面本身又系冻嘅，以至于食到后面感觉似食紧冷面🥶，呢一点真系扣好多分。
配料就有叉烧、荀、京葱、半只溏心蛋同紫菜。虽然系瘦叉烧，肉质自然唔系柔软入口即溶𠮶款，但由于系低温慢煮嘅关系，所以食落都唔算干嚡，肉味颇浓郁，不过感觉就唔系好新鲜，但小编更加钟意旁边嘅肉碎，肉质会更加软腍唔黐牙；溏心蛋嘅生熟程度亦把握得恰到好处，不过就冇乜味道。整体好坏参半，不过食物份量好多，以呢个价钱嚟讲，我唔会有太多怨言，但应该唔会再特登排队去食，建议想试嘅朋友仔都唔好抱太大期望。
------------------------------
🔸整体评分：6.9/10
🔸小编回头率：6/10
张贴
