彩福喜宴

营业中

休息中

今日諗住同兩老去飲茶。心諗依家多返人出嚟食飯，所以就大約十一點左右去攞位。去到已經有好多人等緊位，我攞飛要等成十幾張枱。大約半個鐘都只係入咗兩張枱。之後見到一家三口遲過我哋半個鐘嚟去櫃枱攞飛。嗰兩位明顯唔係本地人嘅夫婦同個仔不停喺櫃枱附近行嚟行去，不停用佢哋嘅鄉下話同櫃枱個阿姐傾計。之後佢哋就唔駛等就有枱。而我哋明明人數一樣，攞飛等位就要繼續等多十幾張枱。之後都有其他等緊位嘅客人投訴個櫃枱阿姐，因為好多人唔攞飛就直接入去見有位就坐低，或者好似頭先個一家三口咁，傾吓偈就有位。但係個櫃枱阿姐扮晒嘢話咩都唔知。之後有位婆婆同我哋講，話嗰啲熟客仔，成日俾利事，所以唔駛排隊。哦，咁不如唔好開門淨係做熟客仔/同鄉生意喇，或者同等緊嘅人講熟客優先，你哋慢慢等啦。最後我哋等咗一個多鐘左右先有位。