Paul's Kitchen (已搬遷) 新店位置

我同几个朋友去呢间餐食Lunch, 一入到去觉得间餐厅好整洁, 对佢都有少少期望, 跟住我地每人order左一个$68 既set lunch, 上得都几快, 我叫左Onion Soup同埋番茄磨菇意粉。首先我讲下个汤先, 我觉得个汤都OK, 唔算差, 但系一定唔会系好好食果只, 而呢个汤系跟餐包, 个餐包系一d特别都有, 系一个冻同硬左既包, 我系出面用呢个价钱食Lunch, 个包起码会系暖, 外面会系crispy喇。跟住就到个意粉, 呢个意粉真系强差人意呀, 我食左一半都冇呀, 第一, 个意粉系冇汁既, 劲干; 第二, 佢上枱亦唔系热既, 只系暖; 第三, 佢系冇味道架, 意粉系底, 上面只有几片磨菇同几粒车利茄, 最后晒少少芝士粉; 我自己用几蚊买齐d材料之后加d油用水煮唔使15分钟就整到喇, 使咩去佢到呀。最后到个餐饮, 佢系一杯整好晒既奶茶, 连自己决定落几多奶都唔得果只啰。总括而言, 咁既食物同质素收我$75系完全唔可以接受啰。仲有呀, D人话佢个厨好靓仔, 我好想问吓佢地到底有冇见过靓仔啰。