鐵板世家

营业中

休息中

忍唔住即刻开户口写食评，避免有人重蹈覆辙，今日老婆推介我同埋两个细路嚟食，因为我先去泊车之后先入去，一入到去就见到个高级侍应呼喝隔篱枱个细路，叫佢坐埋啲唔好阻住条路，我即时已经反感，我坐埋位后发觉我个仔（二年班）张凳同隔篱枱个细路都系咁出，我即刻提醒我个仔快啲坐埋啲唔好俾人闹，但佢啲凳有扶手想坐埋啲系有啲困难嘅，条路又真系窄咗啲嘅，因为我迟入去嘅关系，佢哋已经嗌晒嘢食，咁我啱啱拎起餐牌嘅时候头先𠮶个高级侍应就行埋嚟饮咩汤食乜嘢(老板呀，我都未知你呢度有咩食点叫呢)，我当然望一望佢，叫佢话等阵，佢就好不满走咗去，最后嗌咗份铁板牛扒，但呢份牛扒，我发觉大家乐嘅好食好多，都算喇，𠮶个白汁焗意粉冇味嘅，但个罗宋汤饮完又要饮好多水，都算喇，连杯柠茶都⋯，好又一餐唔好又一餐啦，但我冇遇过食个饭要全程睇人面色受埋啲呼呼喝喝嘅态度，杯嘢都未饮完就叫你走，我肯定唔会再去。其实我哋呢啲又唔系什么食家，呢啲咁嘅急冻肉通街都系，间间都系咁上下，我都冇乜要求，但你打开门口做生意，可能你预咗啲客冇回头，或者你唔志在啦。完！