616燒肉酒場 (已結業)

大佬话嘅系，食烧肉一定要食616😌之前食过，觉得佢哋嘅味道唔错所以今日再嚟返兜！前菜：自家制冰话梅小蕃茄 / 野菌蟹肉茶碗蒸清爽嘅感觉，酸酸地几开胃，用来做前菜或者烧肉之间清一清味蕾都系唔错嘅选择。一啖蟹肉，一啖滑蛋。一碗鲜甜滑捋捋嘅茶碗蒸刺身：A5三角肉刺身未开始烧肉前食件牛肉刺身，三角肉系肋骨位附近嘅肉，油花分布均匀，几乎一放入口就溶牛肉：澳洲和牛牛肋条可以烧熟之后用生菜包住食肋肉本身偏肥，咁就无咁油腻，成条烧，视觉效果都几震撼黑毛和牛友三角肉 & 澳洲和牛牛腹肉两款都系汁烧～ 黑毛和牛三角肉油脂感偏重，澳洲和牛牛腹肉肉味就比较浓。两款都用咗甜甜地嘅酱汁。黑毛和牛特选牛小排牛小排就系盐烧嘅，将油脂均匀分布嘅牛小排烧香之后，牛油香超浓其他肉类：烧鸟盛盒 / 黑豚腩西京烧比较少见嘅鸡脖子，鸡肾同埋鸡腿肉。用盐同埋黑椒调味。黑豚腩切成厚厚的，配以西京烧汁腌制，所以烧嘅时候要用慢火以免烧㶶。烧好之后微微甜带焦香，腩肉爽口肥牙。饭：狮子王饭卷大佬就惊唔够饱叫多个饭卷。由鳗鱼、青瓜、芝士、和牛组成嘅饭卷，一啖入口会先食到食到尾餐厅仲送埋雪葩做甜品！