我的意大利廚房 (已結業)

餐厅环境无乜特别，不过好嘈好嘈！食物质素一般，叫咗4样嘢，Four Seasons Pizza、Seafood Pizza、Smoked Salmon意大利包、Grilled Steak。Four Seasons Pizza: 好咸！好咸！好咸！Seafood Pizza: 好特别！特别在竟然放啲连壳嘅蚬喺上面，唔知点搞！至于味道... 完全无惊喜。Smoked Salmon意大利包: 最出色架喇喺4样嘢之中... Grilled Steak: 叫medium rare, 竟然等咗成个钟先上，仲要系200%well done嘅干柴！当然投诉要求佢换，之后10分钟唔驶就上过碟，可惜味道肉质都系好一般！另外，佢上第二次时只比咗普通餐刀我，点切？？梗系即刻问佢攞steak knife啦，又要等5-8分钟，完全唔知做乜，我估系个waitress唔记得，要催先即刻去攞！steak已经唔热辣辣啦！激死！到埋单，等找钱，等等等，等咗又15分钟见唔对路问个waiter，佢话搞紧，搞乜要搞咁耐呢？又要催先攞嚟！究竟点做生意架？原本开开心心食餐饭，搞到我忟晒！破坏我嘅friday nite!!! 哼！！一