影片
更多
2017-10-31
66 浏览
约左朋友去呢间辉哥私房菜，叫得私房菜，无论喺菜式同品质上都会有啲要求，今次不负所望，成功令我对火锅店有新嘅认知。好多时出去打边炉，落完单，啲配料都含含声咁上架啦，务求放满成张枱，大家一窝蜂落哂啲野去滚啊滚，而且好快会有饱肚感，挂住食亦都唔得闲倾计。呢间火锅店好为客人健康著想，慢慢上菜慢慢食，亦都想你同同行嘅人可以倾多啲计，唔好挂住食，佢地采用【法国料理】嘅上菜方式，每次只会上一两款配料，而下一次会想隔十至十五分钟，8点半落单，每隔一阵，店员又会同你讲，有啲咩配料沽清，一边食野一边灰心同想走人嘅感觉都系第一次遇到。部分食材沽清/唔新鲜，直到9点3先至知道哂有边几款冇，唔知系咩玩法，未试过食火锅食唔饱有6款配料因为两种原因而冇出现过：一系就话沽清（我宁愿佢吹水话自己咁好生意，全部沽清好过），一系就话【唔新鲜唔俾你】，闻所未闻嘅讲法，我以为我叫左啲咩深海龙虾、加拿大蚬(？)如果有咁多配料唔新鲜，真系唔应该营业。呀Q啲咁谂，真系多谢佢咁为我著想，惊我食左啲唔新鲜嘅野落肚，好贴心。沽清：鲜虾云吞、凤城水饺、冬瓜片唔新鲜啊出俾我嘅有：潮州白鱼蛋、手打鲜虾丸、瑶柱贝饱滑有一刻我以为自己食紧任食火锅，
呢间火锅店好为客人健康著想，慢慢上菜慢慢食，亦都想你同同行嘅人可以倾多啲计，唔好挂住食，佢地采用【法国料理】嘅上菜方式，每次只会上一两款配料，而下一次会想隔十至十五分钟，8点半落单，每隔一阵，店员又会同你讲，有啲咩配料沽清，一边食野一边灰心同想走人嘅感觉都系第一次遇到。部分食材沽清/唔新鲜，直到9点3先至知道哂有边几款冇，唔知系咩玩法，未试过食火锅食唔饱
有6款配料因为两种原因而冇出现过：一系就话沽清（我宁愿佢吹水话自己咁好生意，全部沽清好过），一系就话【唔新鲜唔俾你】，闻所未闻嘅讲法，我以为我叫左啲咩深海龙虾、加拿大蚬(？)如果有咁多配料唔新鲜，真系唔应该营业。呀Q啲咁谂，真系多谢佢咁为我著想，惊我食左啲唔新鲜嘅野落肚，好贴心。
沽清：鲜虾云吞、凤城水饺、冬瓜片
唔新鲜啊出俾我嘅有：潮州白鱼蛋、手打鲜虾丸、瑶柱贝饱滑
有一刻我以为自己食紧任食火锅，呢啲唔系任食火锅先遇到嘅对待吗？
呢个时候，我悟出一个道理：原来钱真系唔系万能，家下有钱都可以冇配料，亲。
大家想食之前，考虑清楚啊，以免到时乜都冇，我就真系未试过打边炉，要望住个汤底等运到嘅。
不过如果你觉得人一世物一世，乜都要试下，咁咪当个新奇有趣嘅经验，事后又有多个话题同朋友分享。
胡椒猪肚花甲汤底：胡椒味有，但太淡，饮左半碗仔心谂，无诚意
流心咸蛋猪肉丸：睇左饮食男女条片以为好流心，仲小心小心咁食，痴线，咸蛋手指尾甲咁大粒，死实实，何来流心。
手打芝士墨鱼丸：弹牙，至少有样野好食。（不过得好少芝士）
珊瑚蚌：好似被水洗左七七四十九夜，劲淡。
炸响铃：讲就讲到好正，咪又系呢啲，一般呢个价钱嘅火锅店都系即炸啦。
炸鱼皮：普通料。
唐生菜、皇帝菜：好贴心，可能惊客人唔够饱，我觉得两篮菜真系份量几多，而且真系新鲜啊。
白柏叶：本来就话沽清，打左个白鸽转番黎，又话有番，开心死啦，食火锅食到好似坐过山车咁嘅心情。
出前一丁：哇大佬，几惊佢同我讲话，个一丁唔新鲜。好在够新鲜咋，食番两个面顶肚。
酱油、茶钱：廿蚊位，menu冇写的。（落左大半碟红青椒，完全唔辣）
人均三百以上，食啲咁嘅质素，其实尖沙咀好多选择，环境又好啲，招呼又好啲。除左靠名气，奖状，仲可以点样生存？生意兴隆啊亲。
张贴
