影片
更多
2021-10-04
1005 浏览
见Alva 口碑好，好有期望咁去试一试，点知失望而回。生蚝唔算肥美，中规中矩咁啰，开蚝位长期有龙煎鸭肝𠮶位厨师隔咗成个钟先开始煎，条龙又系长期都咁多人。之前煎咗一转和牛跟住就吉咗好耐先煎鸭肝。之后中间又要等好耐先再煎一转，件肝仲要一开三，每旧都好细粒，每人限攞一件，排到无瘾。总之煎肝𠮶位厨师态度都系麻麻，一副「话之你食唔食到」咁嘅面口，后尾换咗另一个师傅煎鸭肝先至好啲。唔知系咪有人投诉所以换厨师龙虾系多膏嘅，但size时大时细，唔多standard 服务真系麻麻，啲waiter挂住倾计，明明喺隔离都要叫到第四次先有反应。片皮鸭同乳猪啲皮都系唔多脆。啲位排得好密，搅到攞嘢食𠮶条巷都有啲迫迫地嘅感觉，去佢个厕所仲阔落过攞嘢食条巷。我以为因为多客所以啲位要排咁密，点知又好多张吉枱。唔知系no show定系佢要隔枱坐。但我哋坐𠮶度又无隔枱坐总之成个体验麻麻，应该唔会再去。book唔到无损失
生蚝唔算肥美，中规中矩咁啰，开蚝位长期有龙
煎鸭肝𠮶位厨师隔咗成个钟先开始煎，条龙又系长期都咁多人。之前煎咗一转和牛跟住就吉咗好耐先煎鸭肝。之后中间又要等好耐先再煎一转，件肝仲要一开三，每旧都好细粒，每人限攞一件，排到无瘾。总之煎肝𠮶位厨师态度都系麻麻，一副「话之你食唔食到」咁嘅面口，后尾换咗另一个师傅煎鸭肝先至好啲。唔知系咪有人投诉所以换厨师
龙虾系多膏嘅，但size时大时细，唔多standard
服务真系麻麻，啲waiter挂住倾计，明明喺隔离都要叫到第四次先有反应。
片皮鸭同乳猪啲皮都系唔多脆。
啲位排得好密，搅到攞嘢食𠮶条巷都有啲迫迫地嘅感觉，去佢个厕所仲阔落过攞嘢食条巷。
我以为因为多客所以啲位要排咁密，点知又好多张吉枱。唔知系no show定系佢要隔枱坐。但我哋坐𠮶度又无隔枱坐
总之成个体验麻麻，应该唔会再去。book唔到无损失
张贴